Dous cans soltos matan outro e feren a súa dona en Rianxo

A propietaria do animal atacado tentou protexer a súa mascota 

O can atacado por outros dous en Rianxo. POLICÍA LOCAL
photo_camera O can atacado por outros dous en Rianxo. POLICÍA LOCAL

Dous cans atacaron unha muller e acabaron coa vida da súa mascota en Rianxo. Os animais estaban soltos e non levaban boceira.

Os feitos sucederon na tarde deste martes. A muller paseaba a súa mascota con correa cando apareceron dous cans soltos, que atacaron o primeiro ata causarlle a morte. A propietaria do animal resultou ferida ao tratar de defender o seu can.

Os dous cans, que contan con microchip, foron localizados posteriormente pola Policía Local de Rianxo preto do domicilio da súa propietaria, que foi denunciada por infrinxir a normativa sobre animais de compañía.