Detido na Coruña tras agredir a súa parella en público

Os feitos ocorreron no Campo da Leña o pasado domingo

 

A Policía Nacional da Coruña detivo un home que supostamente agrediu a súa parella na vía pública.

Os axentes acudiron ás 20 horas do pasado 19 de novembro ao Campo da Leña, onde varias testemuñas dixeron que viran unha parella que forcexaba antes de que o home golpease a muller na cara, derrubándoa.

A vítima, que choraba cando chegou a Policía Local, non recoñeceu os feitos, aínda que tras a declaración das testemuñas e dado que presentaba un pómulo inchado, confesou que fora agredida pola súa actual parella.

Este, á súa vez, alertou ao 092 ao denunciar que fora agredido por varios homes -que máis tarde se comprobou que interviñeran ao ver a primeira disputa-.

Unha dotación policial asistiuno e ao comprobar que era o suposto agresor do feito anterior, detívoo e denunciouno por un delito de violencia de xénero.