A nai de Ana Julia Quezada: "Estás tola! Metéuseche o demo dentro"

Juana Cruz explicou que a súa filla viaxou a España hai 26 anos e se desentendeu da súa familia

Juana Cruz, madre de Ana Julia Quezada. ANTENA 3
photo_camera Juana Cruz, madre de Ana Julia Quezada. ANTENA 3

O poboado da Cabuya, moi preto de Santo Domingo, capital da República Dominicana, converteuse nas últimas horas nun fervedoiro de xornalistas. Alí vive a familia de Ana Julia Quezada, a asasina confesa do neno almeriense Gabriel Cruz. 

Entre bágoas, a súa nai pediu perdón en nome da súa filla. "Eu pídolle perdón ao pobo de España, que está primeiro, logo ao país dominicano, que nos perdoen, porque o noso apelido agora mesmo está polo chan porque ela nolo tirou".

Juan Cruz, sobre a súa filla: "Por favor, pensa, ti estás tola, metéuseche o demo, por Deus"

Juana Cruz non atopa explicación aos motivos que levaron á súa filla a cometer este crime: "Nós non estamos procesados nin por roubo, nin por asasinos, nin temos nada coa Xustiza. Por favor, pensa, ti estás tola, metéuseche o demo, por Deus".

OS IRMÁNS, MOLESTOS COA PRENSA. A nai de Quezada explicou ante os medios que a súa filla viaxou a España hai 26 anos e que desde entón se desentendeu da súa familia. Os irmáns da muller que acabou, supostamente, coa vida do pequeno Gabriel estaban visiblemente molestos coa presenza dos xornalistas. Contaron que tiveron que pechar as súas redes sociais polos insultos que estaban a recibir.

A pesar de todo, Lucía, irmá de Ana Julia, defendeu á súa irmá ante as especulacións de que puido arroxar pola fiestra á súa filla de catro anos en 1996, cando vivían en Burgos. "Caeu dun sétimo piso sonámbula. Que investiguen, que vai saír a relucir que caeu", resolveu.