Un condutor dun autobús escolar de Forteventura foi detido acusado de abusos sexuais por facer tocamentos a polo menos dez mozas de dous centros educativos da illa ás que trasladaba no vehículo, informou a Garda Civil.
O detido é un home de 54 anos, que foi denunciado a finais de novembro por persoal docente dun dos centros educativos, despois de que unha nena informase do que sucedía, indícase nun comunicado.
Está acusado de tocamentos e actos sexuais a adolescentes que utilizaban o autobús que el conducía, algunhas delas menores e outras maiores de idade.
Ao parecer, o detido aproveitaba o momento de saudar ás alumnas que accedían ao vehículo para realizarlles tocamentos de carácter íntimo ou sexual, así como outros actos e comentarios que comportarían tratos degradantes.
Segundo a investigación, isto sucedía desde había tempo sen que ningunha das vítimas o denunciara.
Algunhas das menores tamén sufrirían os feitos fóra do horario de transporte escolar, cando se atopaban co detido na rúa, quen as invitaba a levalas no seu coche particular.
A detención produciuse o pasado 10 de decembro e non se descarta que haxa máis vítimas, indica a Garda Civil.
