Un home entregouse este martes á Policía Nacional tras matar ao seu xenro, ao parecer cun coitelo, tras unha disputa familiar nunha vivenda da localidade asturiana de Mieres, informaron a Efe fontes da Xefatura Superior de Policía.
Os feitos ocorreron á primeira hora desta mañá nun piso situado na segunda planta do número 9 da rúa Numa Guilhou.
Tras o crime, o home desprazouse ata a Comisaría da Policía Nacional de Mieres para entregarse.
O corpo da vítima, duns 40 anos, foi sacado da vivenda ao redor das 11.15 horas para o seu traslado ao Instituto Anatómico Forense onde se lle realizará a autopsia.
Segundo fontes próximas á investigación, o falecido separouse recentemente da filla do agresor.
Ao lugar trasladáronse axentes da Policía Xudicial e da Científica para realizar as primeiras pescudas no interior da vivenda, que permanece coas persianas baixadas.