O pleno do Parlamento europeo (PE) aprobou este mércores por 621 votos a favor, 49 en contra e 13 abstencións o acordo de retirada do Reino Unido da Unión Europea. Finalizado tamén o proceso en Londres, o voto deste mércores na Eurocámara conclúe a ratificación parlamentaria deste acordo e pon fin a case tres anos de negociación da separación entre Londres e Bruxelas, de forma que o Reino Unido sairá da Unión Europea de forma acordada na medianoite do 31 de xaneiro ao 1 de febreiro.
O voto produciuse pasadas as 18.30 horas (17.30 GMT) no pleno da Eurocámara, de forma solemne, e foi sucedido por boa parte do hemiciclo cantando a un tempo o poema escocés Auld Lang Syne, usado tradicionalmente en Noitevella para despedir o ano, pero tamén en funerais.
O acordo pon fin a case tres anos de negociación da separación entre Londres e Bruselas
Finalizado tamén o proceso en Londres, o voto deste mércores na Eurocámara conclúe a ratificación parlamentaria deste acordo e porá fin a case tres anos de negociación do divorcio nos que o maior obstáculo foi a oposición na Cámara da Comúns británica, onde o acordo foi rexeitado en ata tres ocasións. Finalmente, tras unha renegociación do acordo entre Londres e Bruxelas e unhas eleccións o pasado 12 de decembro, o Parlamento británico concluíu a ratificación do acordo durante o mes de xaneiro.
A luz verde da Eurocámara era o penúltimo paso en Bruxelas para que o Reino Unido puidese abandonar a Unión Europea cun acordo, e tras este voto favorable só queda a adopción do texto por parte do Consello, que sucederá entre o xoves e o venres e onde non debería haber ningún obstáculo para a súa aprobación por maioría simple.
Tras o voto, o presidente do Parlamento Europeo acollerá unha cerimonia de despedida no propio Parlamento cos deputados británicos que participan este mércores e xoves no seu último pleno da Eurocámara.
ð???ð??? #Brexit approved by 621/049/013 pic.twitter.com/38CYSrJNXv<> — EU Parliament Photo (\
Europarl_Photo) January 29, 2020<>