A Policía Nacional e os Mossos d'Esquadra están a levar a cabo unha operación en varios puntos de España contra a mafia armenia, dedicada, entre outros delitos, ao amaño de partidos de tenis, tráfico de armas e drogas, así como de branqueo de capitais, e na que se prevén un centenar de detencións.
Segundo informaron a Efe fontes policiais, a operación desenvólvese en Cataluña, a zona de Levante e Madrid, e nela participa tamén a axencia europea Europol, así como axentes do grupo de xogos de azar da UDEV (Unidade contra a delincuencia especializada e violenta).
Espérase que se practiquen uns cincuenta rexistros, segundo as mesmas fontes, que precisaron que un deles ten lugar en Badalona (Barcelona), e que o número de detidos ascenda ao centenar.
