Mariano Rajoy despediuse no Congreso, onde chegou co debate empezado, do seu cargo como presidente do Goberno: "Foi unha honra deixar unha España mellor da que atopei", afirmou con emoción.
Rajoy quixo ser "o primeiro" en felicitar ao líder socialista, Pedro Sánchez, polo seu previsible nomeamento como presidente e subliñou que acepta "como demócrata" o resultado da moción de censura, aínda que non comparta "o que se fixo".
"Foi unha honra ser presidente do Goberno e unha honra deixar unha España mellor que a que atopei", subliñou o aínda presidente desexando que Sánchez "poida dicir o mesmo no seu día".
Cre cumprir o mandato político que tiña de mellorar "a vida" das persoas, segundo dixo, e agradeceu tanto ao seu partido como a todos os españois o haberlle brindado a súa "comprensión e apoio".
"Sorte a todos vostedes polo ben de España", subliñou Rajoy na súa última intervención no hemiciclo como presidente do Goberno.
O galego accedeu ao hemiciclo do Congreso para votar a moción de censura contra el entre aplausos dos deputados do PP, e subiu á tribuna para intervir ante o Pleno. Todo o Executivo ocupa a bancada azul reservada ao Goberno no hemiciclo nesta segunda sesión de debate da moción de censura.
