O Deportivo fracasou no seu regreso a LaLiga 1/2/3, na que partía como favorito ao ascenso directo, acabou entrando de rebote na promoción e foi eliminado no partido de volta do playoff ante o Mallorca tras dilapidar tras viaxar a Palma con dous goles de vantaxe.
O fracaso deportivo ten consecuencias económicas para a entidade branquiazul, que verá reducido drasticamente o seu orzamento.
O equipo previu esta campaña uns ingresos de máis de 42 millóns de euros para intentar ascender a Primeira División, dos que 6,72 corresponden a ingresos correspondían a traspasos, e estimaba un beneficio de 5,7 millóns de euros á conclusión do exercicio 2018/19, o que suporía un incremento do 138,3 % respecto ao anterior.
De afrontar esta tempada en Segunda cun dos que máis capacidade de ingresos tiña e o terceiro tope salarial (só superado por Málaga e a UD Las Palmas), o Deportivo pasará a unha posición bastante máis modesta o próximo curso pola axuda do descenso.
O orzamento non é garantía de éxito, tal e como quedou demostrado as dúas últimas tempadas
Unha redución á que xa aludiu o actual presidente do Deportivo, Paco Zas, cando presentou a súa candidatura a dirixir o club en maio: "Todo o deportivismo ten que saber que en apenas un mes podemos pasar a un orzamento estimado de 65 millóns -de euros- a un de 16".
Ao final, pasará a xestionar a cantidade máis baixa despois de que o proxecto deportivo fallase na segunda oportunidade que tivo para lograr o ascenso a través da promoción.
No entanto, o orzamento non é garantía de éxito, tal e como quedou demostrado as dúas últimas tempadas, nas que ningún dos recentemente descendidos foron capaces de regresar á máxima categoría no seu primeiro intento.
Ademais da configuración do persoal, o Deportivo terá que destinar parte dos seus ingresos a seguir reducindo a débeda, aínda que en Segunda División o calendario de pagos sexa algo máis flexible que na elite, polo menos esta tempada que finaliza o vindeiro domingo e a seguinte.