Maxi Gómez sofre un enguince de xeonllo, así o confirmou o Celta este martes. Unha situación que faría perigar a súa convocatoria para o partido deste venres fronte ao Alavés (21.00 horas).
O céltico xogou coa súa selección, Uruguai, un partido amigable contra Xapón este martes. Escasos oito minutos logo de pisar o terreo de xogo, no minuto 76, xa comezou a sentir molestias e pediu cambio ao seu adestrador, Óscar Tabárez, que o substituíu por Stuani.
Agora, o club vigués valorará o alcance da lesión e durante canto tempo terá que afastarse dos adestramentos e os partidos.