A protectora Pro Animales de Verín denunciou nas redes sociais a aparición dunha colonia de gatos mortos, presuntamente envelenados, sinalan, no lugar de Infesta, no municipio ourensán de Monterrei.
Fontes da protectora explicaron que foron veciños do lugar os que localizaron a polo menos catro felinos mortos aínda que a protectora non descarta que "poidan ser máis porque algúns fuxiron en malas condicións".
Ademais, outro gato, o único que puido ser rescatado, atópase en estado grave e témese pola súa vida.
A protectora non se explica o motivo para envenenar a estes animais, que viven no monte. De feito, explicaron que se trata dunha colonia de gatos que está "controlada" e os felinos están ben "alimentados e coidados".
Por este motivo, invitou a denunciar para identificar aos responsables tras lamentar que moitas veces non se denuncian estes casos por temor.