Tres persoas resultaron feridas graves a última hora da tarde na estrada LU-152, que une Foz con Ferreira, á altura da parroquia focense de Vilaronte nun choque frontal entre dous vehículos.
Ata o lugar dos feitos desprazáronse efectivos do parque de bombeiros de Barreiros e do GES de Cervo, ao ser necesario excarcerar o ocupante dun dos vehículos. As tres vítimas foron trasladadas en dúas ambulancias ao Hospital da Costa de Burela.