Lenny Kravitz levará a súa xira mundial Here to love a Madrid o próximo 26 de xullo, data inicialmente prevista para a cidade da Coruña. Segundo informaron fontes da promotora do concerto, cambiouse a data na cidade herculina —o concerto estaba previsto no Coliseum— pola do WiZink Center madrileño.
Gañador de catro premios Grammy, e con dez álbums de estudo publicados, Kratiz anunciara que a xira que arrincará o 31 de marzo de 2020 en Auckland (Nova Zelandia) tería dúas paradas en España: a do festival Marenostrum de Fuengirola o 23 de xullo e a da Coruña o 26 do mesmo mes, aínda que no portal de internet na pestana de compra de entradas redirixe xa a un concerto en Madrid.
"A nova xira mundial de Lenny Kratiz terá parada no WiZink Center de Madrid", anuncia a páxina oficial do pavillón, onde ademais se anuncia que as entradas se porán á venda o 3 de xaneiro.
