Un home faleceu na madrugada deste sábado en Lugo tras envorcar a furgoneta que conducía, informou o servizo de urxencias 112.
O centro de urxencias recibiu unha chamada pasadas as 4.30 horas na que un particular alertaba de que había un camión pequeno envorcado na estrada e no seu interior había un home sen pulso. Naquel momento, na zona había unha densa néboa.
A furgoneta, unha Fiat Ducato con matrícula PO-0091-B, estaba no lugar de Vilamoure, no municipio de Lugo, na estrada que une Portomarín e a capital lucense.
Ao lugar desprazáronse os bombeiros de Lugo e unidades de Urxencias Médicas que, unha vez chegados ao lugar e liberada a persoa, unicamente puideron confirmar o seu falecemento. Trátase de I.L.V., de 34 anos e veciño de Lugo.
Tamén acudiron ao lugar axentes da Garda Civil de Tráfico, de Protección Civil de Lugo e do persoal de servizo de mantemento da estrada, xa que a carga (caixas de bebidas) quedou esparexida sobre o viario.