A Mesa de Contratación de Comedores Escolares volveuse a reunir este luns e propuxo á empresa de Boiro (A Coruña) Chicolino para adxudicataria do servizo de comedores escolares correspondente ao período 2016-2017.
Na valoración, tivéronse en conta as dúas concorrentes, que son a vasca Ausolan e esta empresa galega, a que se ve como idónea, aínda que tal cuestión deberá ser ratificada ao longo desta semana pola xunta de goberno local, órgano encargado de realizar a adxudicación definitiva, informou o Executivo local de Santiago nun comunicado.
Os trámites requiren que haxa unha última mesa de contratación, ademais, na que se recollan a documentación e os avais que ten que presentar a adxudicataria.
O concelleiro de Educación e Cidadanía, Manuel Dios, porase en contacto con Chicolino e garantiu que o día 7 de xaneiro haberá un novo servizo de comedor que funcionará "correctamente".
Propoñen a Chicolino como adxudicataria do servizo de comedores escolares de Santiago
Ao longo desta semana o Executivo local decidirá se a empresa de Boiro será a responsable durante o período 2016-2017
