Un bebé de 9 meses foi hospitalizado tras dar positivo en cocaína e os seus pais foron detidos pola Policía Nacional como presuntos autores dun delito contra a saúde pública e por abandono de menor.
Segundo informaron a Efe fontes dese corpo policial, sobre as tres da madrugada do sábado ao domingo, o home, de 44 anos, acudiu co seu bebé, un neno de 9 meses, a un hospital valenciano, xa que o pequeno tiña febre.
Tras unhas análises clínicas o menor deu positivo en cocaína, polo que foi alertada a Policía Nacional, que detivo o pai.
O domingo pola mañá foi detida a nai por un suposto delito de abandono de menor.
O bebé, ao que xa lle baixou a febre, quedou ingresado no centro hospitalario en observación, segundo as fontes.