Darío Vilas (Vigo, 1979) é escritor e acaba de publicar Piezas desiquilibradas coa editorial 23 escalones. Tamén é o administrador de H-horror.com, un portal especializado en literatura de terror.

Pregunta:Fálenos de Piezas desiquilibradas.
Resposta: É unha antoloxía de 11 relatos na que precisamente os protagonistas son personaxes decadentes que sofren algún tipo de desequilibrio. Afástase un pouco dos relatos de terror
fantástico. Aquí o mal habita nestes personaxes decadentes, pero de carne e óso.

P: Vostede é o creador de H-horror.com, un portal especializado no xénero.
R: Creouse hai dous anos. Despois do éxito de filmes como The ring víase vir a influencia
do terror xaponés J-Horror. Quixemos distinguirnos como xénero de horror hispano. Na
páxina publicamos a diario tanto indicacións literarias como cinematográficas e mais
relatos. E convocamos certames literarios; o máis coñecido é o de Todos los Santos.

P: ¿Existe o ‘horror hispano’ como xénero definido?
R: Sí. Aínda que se segue a mamar un pouco dos Estados Unidos, séguense empregando
algúns clixés. Pero creo que nos caracterizamos polo noso estilo visceral; somos máis crueis ca eles e ademais nas nosas narracións non hai heroes. Se o noso compañeiro está en perigo, nós saímos correndo.
P: ¿Ten algún novo proxecto á vista?
R: Este ano publicarei a miña primeira novela. Será coa editorial Dolmen, a primeira entrega dunha triloxía sobre zombis. Tamén nos gustaría recuperar a edición impresa anual de H-horror.com.