Fernando G. Truque, sociólogo e director de proxectos sociolaborais da asociación Alar Galicia.

Que proxectos desenvolveu a asociación este ano?

Dende Alar Galicia traballamos en proxectos que van desde a formación e a inserción laboral ata o traballo con menores en risco de exclusión social, as familias monoparentais e lactantes, e o colectivo dos inmigrantes e retornados, que son agora os que máis están a demandar a nosa axuda. Ademais, todos os nosos servizos son gratuítos.

A cantas persoas atenden?

No que vai de ano xa prestamos atención a unhas cen personas nos diferentes programas, cun incremento dun 25 por cento con respecto ao 2010.

Cal é o perfil da persoa que lles pide axuda?

O 90 por cento son mulleres e inmigrantes, un colectivo co que se procura a formación, o asesoramento laboral e a procura de emprego como medidas de mellora das condicións de vida.

Están a sufrir o recurte de axudas por mor da crise?

A verdade é que este ano tivemos un 60 por centro menos de axudas, pero desde Alar Galicia entendemos que todos temos que arrimar o ombreiro para saír da crise. Aínda así temos que agradecer o seu apoio ás institucións e entidades como o Concello de Lugo e La Caixa.