O magnate australiano Rupert Murdoch quere ampliar os seus negocios en internet, e a través da súa compañía News Corporation, estuda vender o portal MySpace á estadounidense Yahoo! a cambio dunha participación do 25% no coñecido buscador.
O acordo non só incluiría o popular sitio de intercambio de vídeos e música, senón tamén o portal de videoxogos IGN, comprado no 2005 por 650 millóns de dólares. Pola súa parte, Yahoo! non confirmou aínda que acepte os termos ofrecidos, a pesares de que ten como obxectivo entrar no negocio da interacción social virtual para recuperar o posto de líder que ostenta Google.
Valorada en 37.000 millóns de dólares, Yahoo! perdeu un 35% do seu valor bursátil en 2006 pola presión do seu máis directo competidor e outras webs sociais como FaceBook ou MySpace.
20/06/2007
Actualidad