CRÓNICA DUN PARTIDO PARA A HISTORIA

O Deportivo da Coruña atopou en Xisco o seu talismán no final de tempada, o dianteiro que apenas dera sinais de vida ao longo do curso polas lesións, pero que apareceu no momento decisivo para anotar os dous goles que desequilibraron a favor dos coruñeses o partido do pasado mércores ante o Nàstic (1-2) e o de hoxe ante o Huesca (2-1) e que certificaron o regreso á Primeira División española.

Cunha dose de sufrimento, pero con alegría final, como case sempre durante o seu curto camiño en Segunda, impecable a nivel de resultados, o Deportivo sacou a cabeza do inferno cunha remontada ante os oscenses, que se adiantaron no marcador pasada a media hora de xogo, pero que non puideron co líder a pesar de que intentaron augarlle a festa ata o último suspiro.

Co asubío final, a festa estalou no abarrotado estadio de Riazor, a afección quedou nos seus asentos, non invadiu o campo, e o campión de Segunda comezou a celebración do seu regreso a Primeira.

O Deportivo, por primeira vez na tempada, dependía só do seu resultado para ascender, non tiña a maxia de Juan Carlos Valerón, titular en 37 partidos da tempada, e buscou chegar á meta coa pegada de Lassad e Riki e menos elaboración.

Con ambientazo en Riazor e a fonte de Catro Camiños agardando a celebración do ascenso, foi o Huesca o primeiro en asomarse á área contraria cun centro de Núñez que cabeceou fóra Omar.

O portugués Bruno Gama e o mexicano Andrés Guardado pisaron o acelerador do Deportivo nas bandas no arranque do encontro, pero ao líder faltoulle acerto no remate.

Nin Riki, nun man a man que tapou ben Luis García, nin Bruno Gama, cun pésimo remate a centro de Guardado, nin o propio xogador mexicano nun disparo co interior desde a banda dereita, puideron bater o Huesca.

Os coruñeses baixaron o ritmo e os oscenses aproveitárono para ter máis o balón e para intimidar aos de Oltra tras un erro do medio do campo e a defensa que aproveitou Núñez para avanzar metros, chegar á área e picar o esférico con clase por encima de Aranzubia.

Co marcador en contra, a bancada de Riazor comezou a pedir intensidade e carácter aos seus xogadores e Riki rozou o empate cun remate de cabeza a centro de Lassad que sacou Luis García.

O Huesca respondeu cun contragolpe que non soubo concretar Carlos Lázaro para alivio do deportivismo.

O Deportivo estaba medio aparvado, pero se levantou cun centro do paraguaio Claudio Morel que Riki rematou no primeiro pau a falta de cinco minutos para o descanso.

Coas baterías recargadas, os coruñeses empuxaron na continuación, pero non tiveron o premio do gol nun disparo seco de Riki que desviou Luis García e o Huesca puido castigarlos cunha acción persoal de Omar, que se desfixo con facilidade de Manuel Pablo antes de enviar o balón á dereita de Aranzubia.

Avanzaba o reloxo, non chegaba o gol do ascenso e Oltra, a falta de 23 minutos, apostou polo dianteiro que o mércores lle deu o triunfo ao seu equipo no minuto 94, Xisco, para tratar de que repetise a fazaña.

E o balear, nunha tempada gris con final feliz, non defraudou e tres minutos bastáronlle para asomarse dúas veces á área e anotar na segunda, na que logrou conectar coa cabeza un centro de Bruno Gama.

Co gol da remontada, comezou a festa no estadio de Riazor, mentres Oltra, centrado no partido, tratou de amarrar o resultado coa entrada de Borja, que sumou contención ao medio do campo.

O Deportivo acariñaba o ascenso e non estaba disposto a deixalo escapar ante o Huesca, que tivo o balón e buscou o empate ata o final, pero non puido evitar que os coruñeses, un ano despois, regresasen a Primeira División.

- Ficha técnica:


2 - Deportivo de La Coruña: Aranzubia; Manuel Pablo, Colotto, Aythami, Morel; Bruno Gama (Laure; min.89), Álex Bergantiños, Juan Domínguez, Guardado; Lassad (Xisco; min.67) e Riki (Borja; min.74).

1 - Huesca: Luis García; Rafael Sastre, Corona, Luis Helguera, Llamas (Tariq; min.86); Núñez, Lluís Sastre, Lázaro (Mario Rosas; min.83), Omar; Jorge Larena (Molina; min.65) e Roberto.

Goles: 0-1; min.33, Núñez. 1-1; min.40, Riki. 2-1; min.70, Xisco.

Árbitro: Arias López. Mostrou amarela a Colotto (min.53) e Xisco (min.70) por parte do Deportivo e a Omar (min.63)e Roberto Sastre (minl.72), por parte do Huesca.

Incidencias: Encontro correspondente á cuadraxésimo primeira xornada de Segunda División disputado no estadio municipal de Riazor, que completou o aforo (34.600 espectadores).