'O Solitario', un dos atracadores máis buscados en España, foi detido hoxe na localidade portuguesa de Figueira da Foz, ao sur do Porto. Segundo fontes da investigación, a detención efectuouse nunha operación na que colaboraron a Policía Nacional española e a portuguesa.

Trala identidade de 'O Solitario' ocultábase Jaime Giménez, madrileño de 51 anos, a quen se lle atribúen máis de 30 atracos en sucursais bancarias de todo o Estado e o roubo de máis de 600.000 euros. As forzas de seguridade tamén o acusan do asasinato de tres persoas: dous gardas civís e un policía local.

O último roubo que se lle atribúe tivo lugar o pasado 18 de maio nunha sucursal de Caja Rural de Toro (Zamora). No atraco sustraeron case 6.000 euros e un empregado do banco resultou ferido.

Segundo informaron fontes da investigación, crese que 'O Solitario' ía cometer un novo atraco, xa que ía disfrazado con perruca barba postizas e levaba un revólver, unha pistola ametralladora, chaleco antibalas e munición.