(Comentario valorado negativamente)

E dalle.

A AVT fala de "eses grupos radicais e extremistas" que apoian a imposición lingüística, que os hai. Alguén nega que existan grupos radicais e extremistas violentos que apoian a imposición lingüística? Ninguén cun mínimo de intelixencia pode deducir dese comunicado que a AVT acusa ao bipartito, poño por caso, de apoiar a ETA e o seu entorno. Outra cousa é que a súa política sexa antidemocrática e totalitaria, aínda que sexa apoiada pola maioría dun parlamento elixido democráticamente (o que non garante que todas as normas que aprobe sexan democráticas).

O responsable dun conflito nunha sociedade democrática é o que non respecta os principios democráticos, a liberdade individual, os dereitos fundamentais e terxiverxa e retorce o significado dos conceptos xurídicos que son moi claros. Se hai varias opcións compatibles e se impón a toda a sociedade unha soa, mesmo apoiada pola maoiría do parlamento democráticamente elixido e pola maoiría da sociedade, no hai democracia (existe o totalitarismo apoiado pola maoiría). NO se pode votar todo nunha democracia e hai cousas que están fóra do alcance das maoirías. Os eswtatistas cren que as persoas só teñen os dereitos que lles recoñece o ordenamento xurídico (o dereito positivo) e iso é a base das ideoloxías totalitarias. Hai dereitos que me protexen fronte ao grupo e protexen ás minorías fronte ás maiorías.

Repito, falo de opcións compatibles, que son o que són, que logo sae cada un cun exemplos que dan risa (que si entón pode negarme a pagar impostos, que si constrúo onde quero, etc, tonterías dese estilo). Os dereitros lingüísticos son materia moi estudada e o seu ensamblamento nun réxime democrático tamén (pódese ir desde a Declaración Universal de Dereitos LIngüísticos, á Carta Europea das Linguas, pasando polos traballos de Lagerspetz, Kymlicka, Taylor, Watson e outros. Todos levan ao mesmo:

1) Se nun territorio hai máis dunha comunidade lingüística con certa historicidade, a súa lingua debe ser declarada ou recoñecida oficial.

2) Cando nun territorio hai máis dunha lingua oficial corresponde aos cidadáns elixir en que lingua a administración se relaciona con les e lles presta os seus servizos. O ensino ten especial relevancia, mesmo no caso de linguas non declaradas oficiais (ver a propia Carta Europea ou o artigo 24 da Declaración Universal de Dereitos Lingüísticos). Se se permite a administración elixir a lingua de relación e prestación á marxe dos desexos dos cidadáns trataríase dunha declaración fraudulenta de oficialidade (poderían entón declarar 200, se total decide a administración a que empregar).

En todos os países democráticos se seguen eses principios.Mesmo en Quebec, onde o virus nacionalista cultural excluínte fixo bastantes adeptos, e só hai unha lingua oficial, o propio TS, amparado pola "cláusula Canadá" lles puxo couto e declarou o dereito a recibir o ensino en inglés para os fillos de persoas que recibisen en Canadá o ensino primario en inglés, e sendo transmisible ese dereito (basta con que un pai reúna esas condicións). En Suíza, onde hai máis dun 15 % de falantes dunha lingua xa se recoñecen dereitos lingüísticos e todo tipo de cautelas. Os inspectores poden autorizar a un alumnos a recibir o ensino noutro municipio distinto do de residencia para poder estudar na súa lingua. Pero se en Uzbekistán, Kazajstán, e todos os "tans" da ex Unión Soviética, que só hai unha lingua oficial, pódese elixir lingua do ensino se hay unha proporción de falantes que o xustifique. Desde logo, en ruso en todas. O que acontece en Galicia e noutrsa partes de España é antidemocrático. Unha anomalía. Vulnera principios fundamentais. É totalitarismo.

Eu non dixen que os que falan galego son partidarios da imposición ou nacionalistas. Teño claro que a maioría son xente tolerante e que comparte as teses de GB, porque sefenden os seus dereitos respectando os dos que prefiren o español. A falta de argumentos hai quen inventa e manipula para dicir que GB di o que non di. Se nos somos "extremistas" "segregacionistas" ou cousas polo estilo, o son os gobernos de Finlandia, Eslovenia, Eslovaquia, Reino Unido, Irlanda, Italia, Estonia, Letonia, Lituania, etc. E iso é un disparate e descalifica aos que nos acusan de cousas ridículas.