"Eu son Balbino. Un rapaz de aldea. Coma quen di, un ninguén. E ademais, pobre". Así comezan as 'Memorias dun neno labrego', de Xosé Neira Vilas, espello da sociedade galega de mediados do século pasado e que este ano cumpren medio século da súa publicación, aínda en plena vixencia nunha Galicia na que máis dun neno do rural ben podería ter pronunciado hoxe esas palabras.

Na Estrada, con motivo da presentación dunha nova reedición e coa presenza do autor, celebrouse un acto no que se congregaron representantes da cultura galega e veciños da propia localidade pontevedresa. Coa mesma portada que hai 50 anos, diseñada por Luís Seoane, a editorial Galaxia saca unha tirada dunha das obras máis lidas na literatura galega e da que se venderon 500.000 exemplares desde a súa publicación en Bos Aires, alá por 1961.

"É un día memorable, sobre todo, porque vivo para contar o conto", recoñeceu Neira Vilas, sempre vencellado á vila pontevedres, onde o Museo do Moble e da Madeira acolleu o acto. O escritor aproveitou o seu parlamento para evocar a figura de Anisia Miranda, a súa compañeira sentimental e cofundadora xunto a el de 'Follas Novas'. "Ela tamén foi unha nena labrega en Cuba", proclamou Neira Vilas, quen dixo que ela tiña pensado comezar a escribir as súas memorias o mesmo día en que morreu, hai 15 anos.

Para o anecdotario queda a historia de que o primeiro lector de 'Memorias dun neno labrego' foi o camareiro do café onde o escribiu. A segunda foi Anisia Miranda. Despois deses comenzos, o libro foi traducido a idiomas como o ruso, o italiano, o portugués, o chino, el sueco, o catalán, o vasco, o inglés ou o alemán, en cuxo país se convertiu no primeiro libro español en ser incluído nunha colección de Literatura Universal.

Ademais, vén de estrearse a peza 'Memoria das memorias dun neno labrego', unha adaptación teatral da obra feita por Cándido Pazó, tamén presente no acto. Prepárase tamén unha longametraxe sobre as lembranzas de Balbino.

No acto estivo presente o director de Galaxia, Víctor Freixanes, quen definiu o libro de Neira Vilas como "un dos best sellers da literatura galega" y recoñeceu sentir "envexa" como escritor "por ter lectores novos xeración tras xeración". O mundo da cultura galega considera que con esta obra nace a literatura para nenos e adolescentes.

Tamén estiveron presentes na Estrada secretario xeral de Política Lingüística, Anxo Lorenzo; o director xeral do Libro, Francisco López; o alcalde do municipio pontevedrés, José Antonio Dono; ou o director xeral de Desenvolvemento Rural, Antonio Crespo, entre outros persoeiros.