Ana Julia Quezada: "Pido perdón a toda España e espero que Deus me perdoe"

A autora confesa da morte de Gabriel Cruz exerceu o seu dereito á última palabra durante a sesión final da vista oral
Ana Julia Quezada na sesión final do xuízo. CARLOS BARBA (EFE)
photo_camera Ana Julia Quezada na sesión final do xuízo. CARLOS BARBA (EFE)
Ana Julia Quezada, autora confesa da morte do neno Gabriel Cruz, pediu perdón "en xeral a toda España" e tamén que Deus a perdoe a ela ante os membros do xurado popular que a xulga desde o pasado 9 setembro.

"En primeiro lugar, pedirlle perdón aos familiares de Gabriel, a todos os familiares e a toda persoa á que poida facer dano coa miña acción", dixo entre prantos a acusada ao exercer o seu dereito á última palabra durante a sesión final da vista oral.

"Quero pedirlle perdón tamén á miña filla e a toda a miña familia, a todo o mundo ao que poida sentirse mal polo que eu fixen. En xeral a toda España e espero que Deus me perdoe", concluíu.