Asdrúbal Humberto Sepúlveda de Giudice, dono da funeraria Alba de Becerreá, tiña unha gran responsabilidade sobre os seus ombreiros e saíu airoso do histórico dispositivo que puxo fin aos 44 anos de Francisco Franco no Val dos Caídos.
O pasado mércores recoñecía que sentía presión ante o encargo que lle fixeron, sobre todo polas chamadas dos xornalistas, aínda que tamén aseguraba que o operativo non era difícil.
E non o foi, pero si que houbo momentos de tensión, sobre todo, cando Sepúlveda, tras levantar a pesada lápida de 1.500 quilos que tapaba o cadaleito de Franco e baixar ata el, viu que non se atopaba en bo estado.
O féretro estaba bombeado debido á humidade acumulada durante todos estes anos. Os seus laterais atopábase desvencijados e o funerario aconsellou, segundo relata o diario El País, que non se movese polo risco de que se esnaquizase. O Goberno ofreceu trasladar o corpo de Franco, que descansaba nunha caixa de zinc dentro do cadaleito, a outro novo, pero a familia negouse.
O xornal madrileño relata que, neste momento, María del Mar Martínez-Bordiu (Merry), que estaba sentada sobre o chan tomando notas e á que se ofreceu unha cadeira para acomodarse, achegouse nerviosa e leu á ministra un artigo do Regulamento Mortuorio. Chegoulle a dicir: "Que a maldición de desenterrar a un morto caia sobre vós!".
Asdrúbal Sepúlveda alertou do mal estado do féretro de madeira pero a familia preferiu non cambialo a outro novo
Foron momentos complicados, porque se o féretro non aguantase, a imaxe que se daría sería penosa. A Sepúlveda ocorréuselle entón fixar o féretro sobre unha táboa e atalo cunhas cinchas vermellas. Foi envolvida nunha funda para darlle outra aparencia, como se puido ver nas imaxes de televisión,
Unha vez cargado o cadaleito, Asdrúbal deu as indicacións sobre como se debía saír da basílica, como sucede en calquera enterro de calquera familia, e mantívose preto do Franco por se fose necesaria a súa intervención, o que finalmente non ocorreu.
Ao dono da funeraria Alba púidoselle ver baixar a escalinata e camiñar cara ao coche fúnebre. Cando o Franco chegaron ata o vehículo, xa foi Sepúlveda e os seus operarios os que introduciron o féretro no coche que o levou ata o helicóptero. Nesa nave chegaron os restos de Francisco Franco ao cemiterio de Mingorrubio. E así se puxo punto final a unha xornada histórica con protagonismo lucense.