sábado. 18.01.2020 |
El tiempo
sábado. 18.01.2020
El tiempo

Casado: "É bo que as mulleres saiban o que levan dentro. Unha vida autónoma"

Pablo Casado. EFE
Pablo Casado. EFE

Este comentario sobre o aborto fixo estalar a dirixentes do PSOE, que tachan de "ofensiva" e "grave" a opinión do líder do PP

O líder do PP Pablo Casado realizou ao Español unhas polémicas declaracións sobre o aborto que non deixaron a ninguén indiferente. 

"Creo que é bo que as mulleres saiban o que levan dentro. […] Creo que é bo coñecer que o que levan dentro é unha vida autónoma", apuntou o secretario xeral dos populares. Ademais, defendeu que o aborto é libre en España nun embarazo de cinco meses -non as 14 semanas que estipula a lei-. 

A vicepresidenta do Goberno e ministra de Igualdade, Carmen Calvo, cualificou de "bastante ofensivas e graves" as opinións sobre o aborto do líder do PP, Pablo Casado, a quen acusa de "incomprensión e descoñecemento absoluto" sobre políticas de igualdade. 

"O señor Casado ten pouco futuro político en relación ao que moitas mulleres van estar pensando" das súas manifestacións, recalcou a vicepresidenta á prensa no encontro da Rede de Directivas de Talentia 360 do Instituto da Muller.

Calvo considera máis graves aínda as palabras de Casado porque proceden "dun líder novo dun partido importante que se radicalizou por completo e porque se producen 40 anos despois do inmenso avance grazas á Constitución, á loita das mulleres e ás políticas públicas en materia de igualdade de xénero", engadiu.

Tamén criticou que a postura de Casado "volva considerar inconscientes ou irresponsables" ás mulleres da "súa propia conciencia vital" e das súas vidas nun asunto "tan importante e tan definitivo para a vida dunha muller como é poder estar embarazada, decidir a interrupción do seu embarazo con arranxo á lei ou sacar adiante a súa maternidade".

Tamén se manifestou sobre esta declaración a ministra de Defensa, Margarita Robles, pediu este luns ao líder do PP que deixe de ser "tan retorcido" e comece a trasladar outra mensaxe ás mulleres.

"Sorpréndeme que un home tan novo sexa tan retorcido desde todos os puntos de vista", dixo a ministra de Defensa antes de acusar o presidente do PP de favorecer "só a crispación e a confrontación".

Pola súa banda, o responsable de Organización do PSOE, José Luís Ábalos, sinalou que as opinións de Casado sobre o aborto "son motivo de intranquilidade", e asegurou que non sabe "que lle pasa" á dereita "coas mulleres".

"¿Cabe á posibilidade de que as mulleres saiban que teñen un embarazo? ¿É necesario que o conselleiro espiritual Pablo Casado lles diga o que teñen que facer ou non teñen que facer?", salientou con preguntas retóricas o ministro, quen engadiu que lle estremece" a frase lanzada polo líder popular.

Casado: "É bo que as mulleres saiban o que levan dentro. Unha vida...
Comentarios