Unha foto tomada por un investigador do Instituto Meteorolóxico Danés (DMI) no noroeste de Groenlandia que alerta sobre a situación do desxeo no Ártico fíxose viral nas últimas horas polo seu impacto.
DMI's klimaforsker @SteffenMalskaer er i disse dage NV-Grønland for i samarbejde med lokale fangere at hente vejr- og havmålere, og endte med at dokumentere ekstreme forhold på en usædvanlig varm dag, hvor smeltevandet bogstaveligt talt flød på isen. pic.twitter.com/vmYBxyhiWr
— DMI (@dmidk) 17 de xuño de 2019
A imaxe mostra un trineo avanzando polo xeo derretido, coas patas dos cans mergulladas na auga no fiordo de Inglefield, e foi tomada o pasado día 13 por Steffen M. Olsen, cando ía recoller instrumental de monitoreo oceonográfico e meteorolóxico no xeo mariño.
"As comunidades de Groenlandia (territorio autónomo danés) dependen do xeo mariño para o transporte, caza e pesca. Eventos extremos, neste caso inundación do xeo ao derretirse a superficie de forma abrupta, esixen maior capacidade predictiva no Ártico", escribiu o científico na súa conta de Twitter.
Na localidade de Qaanaaq, situada nesa área, medíronse a semana pasada 17,3 graos, catro veces máis da temperatura media usual, aínda que a cifra aínda non foi verificada.
O DMI alertara nun informe recente de que as temperaturas na zona próxima ao Polo norte eran máis altas do habitual e que se derretira o xeo axiña que como en 2012, o ano que marcaba ata agora o inicio máis cedo do desxeo.