O Goberno español rebaixou lixeiramente este martes a súa previsión de crecemento económico para este ano ao 2,1 % e ao 1,8 % para 2020, en ambos os casos cun recorte dunha décima.
O recorte está incluído no cadro macroeconómico enviado este martes polo Executivo á Comisión Europea.
O cadro prevé que o emprego crecerá o 2,3 % en 2019 e o 2 % en 2020, o que permitirá seguir reducindo a taxa de paro ata o 13,8 % este ano e o 12,3 % en 2020.
O plan orzamentario recolle o compromiso de redución do déficit público, manténdoo no 2 % do PIB para 2019, e do 1,7 % en 2020, seis décimas máis que no anterior cálculo, aínda que o Goberno sinala que esta previsión se basea nun escenario inercial que non inclúe ningunha medida adicional de carácter tributario".
O documento inclúe un incremento en 2020 das pensións de xubilación do 0,9 %
O Executivo explica que a elaboración deste documento está marcada pola súa situación en funcións, o que lle impediu aprobar un Proxecto de Orzamentos para o próximo ano ou a actualización dos obxectivos de estabilidade.
Por este motivo, "comprométese ante Bruxelas a enviar unha actualización do documento cuando sexa posible".
O documento inclúe un incremento en 2020 das pensións de xubilación do 0,9 % e o aumento pactado do 2 % do soldo dos 2,5 millóns de funcionarios públicos.
O Ministerio de Economía sinalou nun comunicado que o incremento das pensións cumpre o obxectivo de que os xubilados non perdan poder adquisitivo.
