A plataforma de streaming HBO Max retirou hoxe a película Gone With The Wind (Lo que el viento se llevó) do seu catálogo en Estados Unidos, despois de que a cinta de 1939 sexa criticada durante anos por ofrecer unha visión idealizada da escravitude e perpetuar estereotipos racistas.
O movemento coincide coa decisión doutras compañías como Disney, que evitou incluír na súa nova plataforma Song of the South (Canción do Sur) -un filme polémico desde a súa estrea en 1946- ou a cadea de televisión Paramount que cancelou o programa de telerrealidade Cops protagonizado por policías de Estados Unidos.
A retirada de Gone With The Wind chega un día despois de que o diario Los Angeles Times publicase unha columna de opinión, asinada por John Ridley, na que solicitaba a medida porque a historia "glorifica" a escravitude durante a Guerra de Secesión de EE.UU., "ignora os seus horrores e perpetúa os estereotipos máis dolorosos para as persoas de cor".
O período histórico no que se basea a película, e a novela orixinal, é un capítulo aínda controvertido na sociedade estadounidense xa que os estados do sur querían proclamar a independencia ao negarse a abolir a escravitude.
Lo que el viento se llevó xa foi sinalada na súa época por activistas como o guionista afroamericano Carlton Moss, quen criticou as estereotipadas caracterizaciones dos personaxes negros por ser "perezosos, torpes, irresponsables" e mostrar unha "radiante aceptación da escravitude".
Cando a actriz afroamericana Hattie McDaniel gañou o Óscar pola súa interpretación dunha escrava, tívose que sentar separada dos seus compañeiros ao final da sala polas leis de segregación racial.
Outras películas que foron sinaladas de xeito similar son The Birth of a Nation (1915) e Song of the South (1946), borrada do catálogo de Disney e foco de protestas desde o día da súa estrea que a acusaban de ridiculizar á poboación negra e xustificar a escravitude.
Así mesmo no medio da onda de protestas contra o racismo e a brutalidade policial, a canle de televisión Paramount Network confirmou este martes que non emitirá máis entregas do reality show policial Cops, estreado en 1989 como un formato que gravaba a axentes en operacións reais.
A súa emisión estivo acompañada de polémicas por "glorificar" o traballo dos policías, ademais de "estereotipar" os perfís da criminalidade, segundo grupos civís.
