O grupo de ultradereita neonazi Hogar Social rexistrouse como partido político e anunciou a súa intención de presentarse nas convocatorias para as próximas eleccións xerais de 28 de abril.
A presidenta do colectivo, Melisa Rodríguez, asegurou en declaracións ao Diario.es que se están "legalizando como partido político".
A formación aparece xa rexistrada na páxina de Interior e chama a atención que a sede do mesmo non se atope en Madrid –como cabería esperar, tendo en conta que é nesta cidade na que tivo as súas orixes, senón en Granada, onde parece estar a se expandir este movemento. Ademais, nos estatutos de Hogar Social, establécese "a posibilidade de crear, por acordo do Consello Nacional, delegacións territoriais" de ámbito "municipal, provincial ou autonómico".
Hogar Social gañou relevancia estatal ao ocupar edificios baleiros en Madrid nos que ofrecía servizos básicos a persoas con problemas económicos.
