domingo. 08.12.2019 |
El tiempo
domingo. 08.12.2019
El tiempo

Juana Rivas denuncia ao seu exmarido por maltratar e ameazar de morte aos seus fillos

Juana Rivas, no Xulgado do Penal 1 de Granada. EFE
Juana Rivas, no Xulgado do Penal 1 de Granada. EFE
O equipo xurídico que representa á muller pide a suspensión cautelar da patria potestade de Arcuri

A denuncia, que recaeu no Xulgado de Instrución número 3 de Granada, expón que, tras chegar a España, os nenos presentaron "trastornos de soño e crises puntuais de ansiedade" e contaron que "seguían sufrindo malos tratos, incluídas ameazas de morte por parte do seu pai".

Rivas levou aos seus fillos ao centro de saúde de Maracena (Granada) o 19 de xuño e a unidade de Saúde Mental emitiu un informe que "plasma a situación de vulnerabilidade e risco para a integridade física e psicolóxica dos menores".

Estes feitos xa están a ser investigados en Italia e Rivas, que interpuxo seis denuncias contra a súa exparella entre decembro de 2017 e decembro de 2018, está agora pendente de que o Tribunal de Cagliari acorde o inicio dunha causa penal ou o arquivo definitivo.

Rivas interpuxo seis denuncias contra a súa exparella entre decembro de 2017 e decembro de 2018

Todos os feitos "debuxan unha situación de extrema vulnerabilidade e risco" para os menores", reitera a denuncia, polo que Rivas e os seus avogados solicitan unha orde de afastamento e incomunicación de Arcuri respecto dos seus fillos e a suspensión cautelar da súa patria potestade e custodia, xa sexa concedendo a garda provisional á nai, a avoa materna ou a Administración. 

Rivas recorreu o pasado maio ante o Tribunal Supremo a sentenza que a condena a cinco anos de prisión e seis sen a patria potestade por subtracción de menores, despois de que no verán de 2017 permanecese un mes en paradoiro descoñecido cos seus fillos incumprindo as resolucións que lle obrigaban a entregarllos ao pai. 

Juana Rivas denuncia ao seu exmarido por maltratar e ameazar de...
Comentarios