martes. 07.04.2020 |
El tiempo
martes. 07.04.2020
El tiempo

Morre unha muller tras recibir un disparo na cabeza nunha rúa de Madrid

Ambulancia que asistiu á muller. EP
Ambulancia que asistiu á muller. EP

Esther R. P., unha muller de 40 anos de nacionalidade paraguaia, faleceu este mércores no hospital tras recibir un disparo na cabeza nunha rúa do distrito madrileño de Ciudad Lineal. Os primeiros indicios apuntan a que o autor foi un home que se deu á fuga.

Fontes próximas ao caso aseguraron a Efe que a vítima faleceu no hospital Gregorio Marañón, ao que foi evacuada polos servizos de urxencia tras entrar en parada cardiorrespiratoria en dúas ocasións.

O ataque ocorreu pouco antes das 19.30 horas á altura do número 4 da rúa Virgen de los Reyes, no barrio da Concepción. Ata o lugar desprazáronse sanitarios de Samur-Protección Civil cunha Uvi móbil e intentaron reanimar a muller, que se atopaba en parada cardiorrespiratoria. Tras conseguilo, trasladárona ao hospital e no camiño volveu entrar en parada pero puido ser reanimada.

Unha psicóloga do Samur asistiu a familiares da vítima, que estaban con ela no momento dos feitos. 

Descoñécese ata agora se se trata dun caso de violencia machista. De selo, sería o segundo rexistrado o mércores en Madrid, tras o que custou a vida a unha galega de 75 anos en Fuenlabrada

Morre unha muller tras recibir un disparo na cabeza nunha rúa de...
Comentarios