lunes. 20.09.2021 |
El tiempo
lunes. 20.09.2021
El tiempo

Morre o neno operado por Cavadas por un tumor na cabeza

Un TAC con diferentes imaxes do tumor de Emmanuelle antes da intervención. TAC
Un TAC con diferentes imaxes do tumor de Emmanuelle antes da intervención. TAC
O menor faleceu no avión de regreso á súa casa, de Madrid a Casabranca

O neno africano de 10 anos ao que o cirurxián Pedro Cavadas extirpou un tumor craneofacial non maligno, que formaba unha masa máis grande que a súa cabeza, faleceu este venres no avión no que viaxaba de regreso á súa casa, de Madrid a Casabranca.

Segundo informaron a Efe fontes da contorna de Cavadas, ao parecer o menor sentiuse indisposto durante o voo e o avión tivo que facer unha aterraxe de urxencia en Málaga.

As mesmas fontes aseguran estar "consternados" e "abatidos" polos feitos, xa que o menor pasou unha última revisión o pasado xoves e atopábase en perfecto estado para regresar ao seu país.

O equipo de Pedro Cavadas espera o resultado da autopsia que esclareza as causas da morte do neno e ofrecerá unha nota oficial o vindeiro luns.

Aspecto que presentaba o tumor do pequeno.EFEO caso do menor Emmanuel, cun fibroma osificante xigante de base de cranio, chegou á Fundación Cavadas a través dunha entidade que ten unha clínica no Congo e non podía abordar unha intervención tan complexa xa que o tumor, que seguía crecendo, impedíalle ver e falar. 

O cirurxián informou nunha entrevista con Efe de que fora un dos tumores máis grandes que interviñera e que o pequeno chegou a Valencia "malnutrido, moi débil e cun problema de coagulación non diagnosticado de orixe que lle facía sangrar en cada cura". 

Emmanuel viaxou a España para a operación xunto ao seu pai, Jules Mbulá, quen explicou que o neno levaba cinco anos co tumor e pasara por moitos hospitais sen atopar unha solución. 

Morre o neno operado por Cavadas por un tumor na cabeza
Comentarios