O director xeral de Saúde do Goberno de Navarra, Carlos Artundo, pediu este sábado á cidadanía en xeral que "practicamente se autoconfine" á vista dos datos de covid nos últimos días.
Con casos por enriba dos 400 confirmados con probas PCR, 463 este venres —un 18% das PCR realizadas—, Artundo considera "moi importante" dobregar estas cifras que "comprometen o sistema asistencial e comprometen tamén a súa calidade, a economía e o noso futuro".
"Comprométenos a todos. Hai que baixalo", dixo, e animou a que esta ponte do Pilar sexa "tranquila" e a cidadanía estea "practicamente autoconfinada", unha situación na que recordou que "en casa pódense facer moitas cousas", como escoitar música ou ler, e ademais tamén se pode "pasear por zonas verdes e parques".
"Pero, por favor, restrinxir a mobilidade ao máximo posible" e, "o máis importante, as reunións, os encontros con outras persoas e outras familias á marxe dos convivientes", subliñou.
