O pequeno Trenton McKinley, de 13 anos, é o protagonista dunha milagrosa recuperación que deu a volta ao mundo. Como consecuencia dun fatal accidente que sufriu cando se desprazaba nun remolque utilitario en Alabama (EE UU), o neno fracturouse o cranio e caeu en coma. Nese estado permaneceu durante dous meses, totalmente intubado, sen mostrar ningún símbolo de melloría.
Tras escoitar dos médicos que o seu fillo nunca volvería ser el mesmo, os pais decidiron deixalo descansar e asinaron os papeis para doar os seus órganos. Con eles poderían axudar a cinco menores que se atopaban á espera dun transplante e que eran compatibles.
Un día antes da data prevista para a desconexión produciuse o milagre. O mozo deu mostras de actividade e o seu corpo empezou a espertar. "Non hai outra explicación máis que Deus", sostén a súa nai, que abriu unha conta en Facebook para informar da evolución do cativo e recadar fondos.
