miércoles. 03.03.2021 |
El tiempo
miércoles. 03.03.2021
El tiempo

A Ocu advirte de que non hai suplementos alimenticios que preveñan ou curen o coronavirus

Pastillas. PIXABAY
Pastillas. PIXABAY

A Organización de Consumidores e Usuarios (Ocu) recorda que "non existen no mercado" complementos alimenticios que preveñan, traten ou curen a infección por coronavirus. Se a pesar de seguir as recomendacións de saúde pública se produce o contaxio, indican que a alimentación saudable "non conseguirá evitalo, pero si que pode xogar un papel moi importante". 

"Unha alimentación variada e saudable axuda a previr outras patoloxías como a hipertensión, sobrepeso, diabetes tipo 2 que poden influír na gravidade da infección", indican a través dun comunicado. A Ocu apunta que ter como base da dieta ingredientes frescos "obriga" a cociñar, pero ademais argumenta que "ten a vantaxe adicional de relegar a un segundo plano os produtos procesados, cuxo consumo debe ser con moita menor frecuencia debido á súa composición nutricional (alto contido en graxas saturadas, sal e azucres refinados), que contribúen a desenvolver outras enfermidades".

A Ocu constata que unha alimentación variada e saudable axuda a evitar patoloxías que poden influír na gravidade da infección

Polo demais, a organización insiste en que, "por agora, a diferenza dos medicamentos a base de plantas cuxa eficacia é recoñecida, as herbas de uso tradicional e os suplementos botánicos benefícianse dun procedemento de rexistro simplificado ou inexistente", sinalan. 

A Ocu alerta de que poden facer referencia a un uso tradicional ou de alegacións sobre a súa eficacia aínda sen autorizar. De feito, comprobou que a maioría dos suplementos botánicos fan pequenas promesas como relacionadas coa saúde das uñas, cabelo, articulacións ou directamente sobre o benestar, sen telas demostrado cientificamente (da mesma forma que no caso das vitaminas e minerais). 

"Por desgraza, abundan os suplementos que suxiren que o seu consumo mellorará o noso sistema inmune. A gran maioría son suplementos con equinácea, probióticos, propolis, flavonoides, extractos de pebidas de uva, tomiño, allo, pel de cebola, cúrcuma, espirulina, etc. Pero ningún deles demostrou a súa eficacia para previr ou tratar o Covid-19", insisten. 

A Ocu advirte de que non hai suplementos alimenticios que preveñan...
Comentarios