O líder do PP, Pablo Casado, anunciou este luns que o economista Daniel Lacalle será responsable da área económica da nova Fundación ligada ao partido, Concordia y Libertad.
Casado fixo este anuncio durante a súa intervención no primeiro acto do Foro Madrid, un novo espazo de debate creado polo PP madrileño.
Daniel Lacalle, economista de referencia para Casado e o seu equipo, pasa así a formar parte do equipo da Fundación que preside Adolfo Suárez Illana e á que Casado encargou organizar a convención nacional e preparar así o rearmamento ideolóxico do partido.
Casado quere que a Fundación Concordia y Libertad se converta no espazo no que "o centro dereita liberal conservador teña o seu sitio", como apuntou a semana pasada na primeira reunión do seu padroado.