O expresident catalán fuxido a Bélxica, Carles Puigdemont, mostrou a imaxe do líder de ERC, Oriol Junqueras, en prisión polo caso "procés", na súa primeira sesión no escano da Eurocámara e para visibilizar a ausencia do republicano.
Despois de que o presidente da Eurocámara, David Sassoli, anunciase ao comezo da sesión a incorporación oficial dos recentemente chegados –ademais de Puigdemont, estreouse Toni Comín–, o expresidente catalán aproveitou para mostrar un cartel amarelo coa imaxe de Junqueras.
Puigdemont e Comín sentáronse na última fila do hemiciclo, cos non inscritos e o único en saudarlles antes do inicio de sesión foi o euroescéptico británico Nigel Farage.
Desde a tribuna de invitados había un nutrido grupo de autoridades catalás, encabezadas polo presidente do Parlament catalán, Roger Torrent, e o president da Generalitat, Quim Torra.