Lunes. 20.05.2019 |
El tiempo
Lunes. 20.05.2019
El tiempo

Sanidade baixará o prezo de 15.700 medicamentos para aforrar 248,25 millóns

Imagen de archivo de fármacos.
Imagen de archivo de fármacos.

As oficinas de farmacia dispensarán ao prezo de venda ao público anterior ata o 31 de decembro

O Ministerio de Sanidade, Consumo e Benestar Social vai revisar os prezos de 15.741 medicamentos, dos que 12.825 son dispensables en farmacia e 2.916 en hospital, co que se estima que se producirá un aforro de 248,25 millóns de euros.

Dito aforro concretarase en 72,08 millóns de euros para medicamentos dispensados en farmacia, dos que 8,44 millóns repercutirán directamente no cidadán, e outros 176,17 millóns de euros en medicamentos hospitalarios, destacou Sanidade nunha nota.

Espera aforrar 248 millóns coa revisión de fármacos dispensables en farmacia e 2.916 en hospital

Todo iso aparece publicado no Boletín Oficial do Estado (BOE) a través da orde que actualiza en 2018 o sistema de prezos de referencia dos medicamentos no Sistema Nacional de Saúde (SNS), que é a "ferramenta esencial de control do gasto farmacéutico, necesario para a sustentabilidade do sistema sanitario público", recordou o departamento que dirixe María Luisa Carcedo.

A orde crea 20 novos conxuntos de presentacións de medicamentos que se dispensan en oficinas de farmacia e 19 conxuntos de presentacións de medicamentos de ámbito hospitalario.

Tamén revisa os prezos de referencia dos conxuntos xa existentes: 408 de medicamentos dispensables en oficinas de farmacia e 198 de ámbito hospitalario.
E suprime 33 conxuntos de presentacións de medicamentos: 20 en farmacia e 13 en hospital (por primeira vez, recalcou Sanidade, na orde fixéronse os cálculos de impacto sobre os datos de consumo farmacéutico hospitalario).

As oficinas de farmacia dispensarán ao prezo de venda ao público anterior ata o 31 de decembro

As oficinas de farmacia dispensarán ao prezo de venda ao público anterior a esta redución ata o último día do primeiro mes seguinte á data de aplicación da orde, é dicir, ata o 31 de decembro de 2018.

Os laboratorios fornecerán os medicamentos ao seu novo prezo industrial de referencia, a partir do día seguinte da publicación da Orde no BOE, é dicir, este mércores.

Os distribuidores manterán o prezo de venda do distribuidor anterior a esta redución durante un prazo de vinte días naturais. Liquidaranse cos novos prezos as facturacións de receitas oficiais ao SNS, incluídas as correspondentes ás Mutualidades de funcionarios, pechadas a partir do 1 de xaneiro de 2019.

O sistema actualizouse o ano pasado
A última actualización dos conxuntos de referencia de medicamentos e dos seus prezos de referencia produciuse o pasado ano.

O sistema de prezos de referencia permite crear novos conxuntos cando se cumpren dez anos da autorización do medicamento en España ou en calquera outro Estado da UE, sempre que exista polo menos un medicamento financiado no SNS distinto do orixinal e as súas licenzas. 

Sanidade baixará o prezo de 15.700 medicamentos para aforrar 248,25...
Comentarios