O Sindicato de Estudantes convocou folga en toda España os días 16, 17 e 18 de setembro en protesta polas condicións coas que se vai a iniciar o próximo curso escolar 2020-2021, marcado pola Covid-19. A secretaria xeral do Sindicato de Estudantes, Coral Latorre, realizou este anuncio ante a porta da sede do Ministerio de Educación en Madrid, até onde acudiu para apoiar unha iniciativa que recolleu máis de 230.000 firmas para esixir ao departamento que dirixe Isabel Celaá unha "volta segura" dos menores ás aulas españolas.
Latorre explicou aos medios que están "asombrados" polo comportamento da ministra. En concreto, o feito de que "a uns 15 días de iniciar o curso escolar, aínda non tomase nin unha soa medida que garanta unha volta ás aulas segura e digna". Ao seu xuízo, Celaá pasouse "cinco meses de brazos cruzados", mentres familias, docentes e alumnos esperan "desesperados" o incio duns cursos que será "totalmente caótico".
"O único que dixeron que é que hai que levar máscara e iso non é ningunha soución a esta situación" e que "o curso poderá ser semipresencial", lamentou Latorre, antes de esixir a Educación outras medidas que eles mesmos reivindican, como a baixada de cocientes nas aulas, a contratación de 165.000 profesores ou plans de reforzo na impieza dos colexios. Para o sindicato, o necesario sería "un plan unificado" en todo o país e non "repetir o desastre que supuxeron as clases online" do confinamento que "apartaron do sistema a miles de estudantes".
Reclaman "un plan unificado" en todo o país e non "repetir o desastre que supuxeron as clases online" do confinamento
Neste sentido, chamou a defender á escola pública, como o modelo que "máis sufriu" nos últimos anos. Na súa intervención, pediu un plan de rescate a este modelo, que pase por "un investimento do 7% do PIB" e "unha partida extraordinaria de 100.000 millóns", é dicir, "o mesmo que se lle regalou ao Ibex". Latorre propón que, no caso de que non haxa para este investimento, apliquen "un imposto ás grandes fortunas" que permitan "rescatar" á pública.
Para o Sindicato de Estudantes sería "importante", neste sentido, que "os ministros de Unidas Podemos" e, especialmente, o vicepresidente segundo Pablo Iglesias, saian "publicamente" a defender este modelo de escola e a situación que están a vivir os estudantes. "Deben colocarse ao noso lado", apuntou.
A volta aos centros educativos de maneira presencial é o obxectivo, pero con seguridade para toda a comunidade educativa
Finalmente, pediu que se deixe atrás a campaña de criminalización que este verán se lanzou contra os mozos. Latorre denunciou que se lles culpabilizou dos gromos, acusándoos de non querer volver ás clases. "É todo o contrario", advertiu a secretaria xeral do sindicato.
As mesmas propostas que o sindicato de estudantes realizou este mércores STEs-Intersindical, aínda que no seu caso pon o foco "na falta de previsión dalgunhas consellerías de Educación". A través dun comunicado denuncia unha volta ás clases "que parece máis un 'o mesmo de antes, pero con máscara', que un plan serio de retorno ás aulas con garantías sanitarias suficientes, similares ás que levan a cabo en espazos públicos ou de traballo".
"A volta aos centros educativos de maneira presencial é o obxectivo, pero con seguridade para toda a comunidade educativa" advirten desde STEs-i. Ademais da baixada de cocientes e un maior investimento para a contratación de profesores, STEs-i pide tamén pruebas PCR e serolóxicas para a comunidade educativa, protocolos específicos para persoas vulnerables, resolver os problemas de conciliación, unha maior dotación tecnolóxica ou a optimización de espazos.
