O TC inadmite o recurso de Urdangarin

Observa que a petición carece de especial transcendencia constitucional

Urdangarín a su llegada a la Audiencia para recoger su orden de ingreso. CATI CLADERA
photo_camera Urdangarín. CATI CLADERA

O Tribunal Constitucional (TC) inadmitíu o recurso de amparo presentado o pasado mes de novembro polo exduque de Palma Iñaki Urdangain contra a condena a cinco anos e dez meses de cárcere que lle impuxo o Tribunal Supremo polo caso Nóos.

O Tribunal sinala que o recurso carece de especial transcendencia constitucional para ser admitido conforme establece o artigo 50.1 b) da Lei Orgánica do Tribunal Constitucional, informaron fontes do órgano de garantías.

O marido da infanta Cristina de Borbón solicitaba que se declarasen vulnerados os dereitos á presunción de inocencia (artigo 24.2 da Constitución), á tutela xudicial efectiva (artigo 24.1) e á liberdade persoal (articulo 17.1). Reclama así, que se declaren nulas as sentenzas tanto da Audiencia balear e do Supremo en especial en canto á condena por malversación de caudais públicos.

A pena impúxoselle como responsable de delitos de prevaricación continuada e malversación (ambos en concurso), tráfico de influencias, fraude á Administración e dous delitos fiscais, pero Urdangarin pedía que se lle anulase unicamente respecto da malversación.

Comentarios