A Policía Local de Molina de Segura, en Murcia, recibía este sábado varias chamadas alertando de que viran un león paseando pola zona de horta do municipio.
Os propios axentes colgaban unha foto na conta de Twitter da Policía Local de Molina do animal, un can que ía pelado como un león e que xerara esas chamadas de alarma. Aínda que todo quedou nunha anécdota.
"Recibíronse esta mañá varios avisos alertando de que viran solto pola zona de horta un león, outros un bicho estraño, pero finalmente pasámoslle o lector de microchip e resultou ser un can", afirmaban os axentes.