miércoles. 21.04.2021 |
El tiempo
miércoles. 21.04.2021
El tiempo

O Museo do Castro de Viladonga comeza as celebracións do 50 aniversario do xamento

Un momento de la inauguración de la exposición.EP
Un momento de la inauguración de la exposición.EP
Inaugura unha mostra que combina investigación histórica con poemas de Rosalía de Castro e Eduardo Pondal

O Museo do Castro de Viladonga iniciou a celebración do seu cincuenta aniversario dos traballos no xacemento coa inauguración dunha exposición sobre o Camiño Real do Norte, que recompila o traballo de campo e a investigación histórica realizada por esta entidade sobre a orixe dese itinerario, unha información científica que se combina na mostra con poemas de Rosalía de Castro e Eduardo Pondal.

O secretario xeral de Cultura, Anxo Lorenzo, inaugurou este xoves esta mostra coa que a Xunta de Galicia pretende divulgar o patrimonio cultural e natural do tramo do Camiño de Santiago que une o Castro de Viladonga, no municipio de Castro de Rei, coa cidade de Lugo, coñecido como Vía Rexia, dentro dos actos programados con motivo do Xacobeo 2021-2022 e do 50 aniversario do inicio das escavacións no xacemento.

Lorenzo recordou que esta exposición foi posible grazas ao traballo desenvolvido polo persoal do propio museo, grazas a unha "investigación histórica" e a un "intenso traballo de campo" para destacar a importancia dun trazado histórico "cun valor cultural e natural innegable e amplamente documentado". 

A través dun percorrido por nove paneis informativos e pezas audiovisuais, o visitante pode mergullarse neste tramo do Camiño Norte, "nun momento especialmente importante como o que estamos a vivir, en pleno Ano Santo, no que é necesario que entre todos nos esforcemos en divulgar e promover o rico patrimonio cultural que ofrece o Camiño", engadiu Lorenzo.

Durante este acto, o secretario xeral de Cultura recordou a importancia do Museo do Castro de Viladonga cando se cumpren cincuenta anos do inicio das escavacións neste xacemento, ademais de anunciar que a Xunta está a ultimar xa a programación para dar a coñecer en profundidade todo o traballo de investigación realizado durante ese tempo.

O Museo do Castro de Viladonga comeza as celebracións do 50...
Comentarios