viernes. 03.12.2021 |
El tiempo
viernes. 03.12.2021
El tiempo

A Xunta mellora a seguridade nun cruzamento do Camiño e a LU-633 en Triacastela

Obras de mellora da seguridade no Camiño en Triacastela. EP
Obras de mellora da seguridade no Camiño en Triacastela. EP
Constrúe unha senda, protexida cunha barreira, e reforza a sinalización horizontal na intersección

A Consellería de Infraestruturas e Mobilidade iniciou a pasada semana os traballos para mellorar a seguridade nun cruzamento da estrada que une Sarria e Pedrafita do Cebreiro (LU-633) co Camiño de Santiago en Triacastela.

Os traballos, que se desenvolven no punto quilométrico 27,580, consisten na construción dunha senda, protexida cunha barreira de seguridade, e o reforzo da sinalización horizontal na intersección para identificar este tramo da ruta xacobea. Esta actuación ten o obxectivo de "favorecer o tránsito seguro dos peregrinos", tal e como indicaron desde a Administración autonómica.

As obras en Triacastela inclúense entre as 70 que a Consellería de Infraestruturas e Mobilidade executa este ano nas vías autonómicas de toda Galicia para reforzar a seguridade nas confluencias coas rutas xacobeas, que supoñen un investimento total de 1,4 millóns de euros. Estes traballos iniciáronse o pasado mes de xullo e prevese que se terminen a finais deste mesmo ano.

No caso do Camiño Francés levan a cabo trece actuacións nas estradas LU-633, LU-637 e LU-613 ao seu paso polos termos municipais de Pedrafita do Cebreiro, Triacastela, Samos, Sarria e Portomarín. Na provincia de Lugo tamén se executan obras nos Camiños Primitivo, Norte e de Inverno.

A Xunta mellora a seguridade nun cruzamento do Camiño e a LU-633 en...
Comentarios