O director galego Dani de la Torre atópase inmerso nun novo proxecto audiovisual. Trátase dunha serie de xénero policíaco que se emitirá en Movistar+.
É a primeira serie que dirixirá o cineasta monfortino, que se rodeou de compañeiros de confianza neste novo proxecto: Alberto Marini, guionista de El Desconocido, escribiu a serie e Vaca Films, compañía coa que fixo as súas dúas películas, produce o traballo.
Segundo avanza Fotogramas, a serie rodarase en varias cidades españolas –entre elas A Coruña e Barcelona– e tamén no estranxeiro.