Sábado. 19.01.2019 |
El tiempo
Sábado. 19.01.2019
El tiempo

O festival de Cans abre a inscrición para unha edición na que aumentará os premios

Mascota do Festival de Cans. ADP
Mascota do Festival de Cans. ADP

Desde este martes xa se poden presentar obras para os concursos de curtas e vídeoclips

O festival de Cans abriu este martes o período de recepción de obras para os seus concursos de curtametraxes e videoclips coa novidade este ano de que todos os premios terán dotación económica, 1.000 euros máis que en 2018, segundo informou a organización.

Tamén queda aberta a recepción de longametraxes ou outro tipo de obras para formar parte da programación do resto de seccións do festival.

Os distintos xurados e o público do Festival outorgarán un total de trece Cans de Pedra e un total de 8.900 euros en premios, 1.000 euros máis que na pasada edición.

O de maior dotación será o Premio do Xurado ao Mellor curto de ficción cunha dotación de 2.000 euros e o Premio do público ao mellor curto e o Premio do Xurado á Mellor curtametraxe de animación estarán dotados con 1.500 euros cada un.

O Premio do Xurado ao Mellor videoclip estará dotado con 500 euros e o Premio do público ao mellor videoclip con 300 euros. Este ano como novidade se incorpora o Premio á Mellor dirección de Fotografía.

O festival de Cans abre a inscrición para unha edición na que...
Comentarios