A Fundación Uxío Novoneyra é a entidade cultural que máis proxectos europeos desenvolve en Galicia

A deputada provincial de Cultura Pilar García Porto destacou a colaboración da Deputación co colectivo

Pilar García Porto e Uxío Novo Rey, este mércores. DEPUTACIÓN DE LUGO
photo_camera Pilar García Porto e Uxío Novo Rey, este mércores. DEPUTACIÓN DE LUGO

A deputada provincial de Cultura, Pilar García Porto, informou de que a colaboración da Deputación de Lugo conseguiu que a Fundación Uxío Novoneyra se convertera "na entidade cultural que máis proxectos europeos desenvolve en Galicia".

García Porto fixo estas declaracións durante o encontro que mantivo este mércores co xerente da Fundación Uxío Novoneyra, Uxío Novo Rey, para informar das actividades que este colectivo desenvolveu durante este ano, financiadas con 20.000 euros pola Deputación de Lugo e nas que participaron de forma gratuíta unhas 1.500 persoas.

Segundo García Porto, "grazas a esta colaboración da Deputación, a Fundación puido desenvolver durante 2018 ducias de actividades de carácter cultural para dinamizar a provincia".

De feito, precisou que "se levaron a cabo obras de mantemento e mellora na casa-museo" do autor, ademais de pór en marcha "proxectos de innovación cultural como o Creative Europe SILO (Operacións Literarias Socialmente Inclusivas), que conta con financiamento europeo e que levará a literatura a pequenos núcleos rurais da provincia".

Para 2019, precisou, a Fundación e a Deputación desenvolverán outros dous proxectos europeos, o Erasmus+ KA2, "un programa de capacitación de mozos rurais para formalos como guías turísticos"; e o Le Flocon Build, para "rehabilitación do patrimonio rural coa técnica da pedra seca".

Comentarios