Miércoles. 23.05.2018 |
El tiempo
Miércoles. 23.05.2018
El tiempo

Galaxia publicará dous libros inéditos de Xosé Neira Vilas

Xosé Neira Vilas. MIGUEL VÁZQUEZ
Xosé Neira Vilas. MIGUEL VÁZQUEZ

Ambos os textos aparecerán dentro da colección Biblioteca de Autor na que a editorial reuniu a obra do escritor

Editorial Galaxia publicará, durante este ano e o próximo, dous libros inéditos de Xosé Neira Vilas, anunciou este xoves nun comunicado. Precisa que ambos os textos aparecerán dentro da colección Biblioteca de Autor que Galaxia dedicou a reunir a obra do escritor de Memorias dun neno labrego.

En abril de 2018 publicará De Gres a Cádiz, un libro composto por un "ramallete de recordos, de prosas condensadas que comecei a escribir, a modiño, en xaneiro de 1996", tal como afirma o autor no prólogo que deixou preparado para esta edición.

En De Gres a Cádiz narra as vivencias do autor no período comprendido entre a súa estancia na parroquia de Gres, onde naceu, e a chegada a Cádiz, cidade onde se embarcou aos 20 anos cara a América disposto a encarar "unha nova etapa vital".

A edición deste novo volume correrá a cargo de Dolores Vilavedra, profesora da Universidade de Santiago de Compostela e experta na obra de Neiras Vilas, quen seguiu de preto a xestación deste proxecto xunto ao seu autor.

O ano próximo a editorial prevé publicar outro libro inédito de Neira Vilas, de corte máis intimista. Ambos os libros foron atopados durante o labor de catalogación da obra do escritor na Fundación que leva o seu nome.

Galaxia publicará dous libros inéditos de Xosé Neira Vilas
Comentarios