jueves. 22.08.2019 |
El tiempo
jueves. 22.08.2019
El tiempo

La Pegatina, La M.O.D.A., Sés, Zoo e Boikot, no SonRías Baixas de Bueu

Público entrengado na edición do SonRías de 2017. RAFA FARIÑA
Público entrengado na edición do SonRías de 2017. RAFA FARIÑA
Os asistentes gozarán dunha vintena de concertos

La Pegatina, La M.O.D.A., Sés, Zoo e Boikot serán as cabezas de cartel da decimoséptima edición do festival SonRías Baixas, que se celebrará en Bueu entre os días 1 e 3 de agosto.

O festival, que inclúe unha vintena de concertos, contará tamén con Toteking, Iseo & Dodosound with the Mousehunters, Zea Mays, Nave, Dakidarría, Hakuna Tanaka, Som do Galpóm, Nius de nit, Ambigüo, Segismundo Toxicómano, Periferia Norte, Muyayo Rif ou a banda bosníaca Dubioza Kolektiv.

Na súa presentación, o director do SonRías Baixas, Jordi Lauren, destacou que nesta edición o festival quere abrirse a todas as persoas que queiran gozar dunha "experiencia cultural completa", na que a música será "o fío condutor".

A través dela, sinalou Lauren, os asistentes poderán probar a gastronomía das Rías Baixas, participar en catas enológicas, explorar as paraxes naturais a través de rutas de turismo activo ou descansar nas praias da zona.

O festival, engadiu, celébrase nunha contorna "urbana" e resulta "cómodo e seguro" como primeiro festival para os máis novos.

O Sorrías Baixas, que reivindica ser festival de referencia do noroeste peninsular dentro da escena do rock en español e da fusión mediterránea, atraeu na súa edición de 2018 a máis de 21.000 persoas e xerou un impacto económico de 1,14 millóns de euros.

O alcalde de Bueu, Félix Juncal, destacou que o festival é un "proxecto cultural" que achega aos asistentes "moito máis que cultura" e supón un "importante" atractivo para toda a comarca do Morrazo.

La Pegatina, La M.O.D.A., Sés, Zoo e Boikot, no SonRías Baixas de Bueu
Comentarios