La noche de Rober, o programa presentado por Roberto Vilar en Antena 3, estrearase este venres, 11 de maio, ás 22.00 horas.
O primeiro programa contará cunha entrevista (gravada) aos representantes de España en Eurovisión, a última antes da súa actuación en Lisboa.
"Unha noite con sorpresas, humor e moitísimos invitados", indica Antena 3 na promoción do espazo.
O programa terá como copresentadora a Silvia Abril e de colaboradores a cómicos como José Corbacho, Vaquero, Leo Harlem ou Luis Lara.
O actor e presentador galego compaxinará a súa nova etapa na televisión nacional co programa que conduce na TVG, Land Rober.